"Real" o‘z stadioni nomini o'zgartirmoqda
Bunga marketing sabab bo'lmoqda.
"Real" "Bernabeu" stadioni nomi yozilganida "Santiyago" so‘zini qo‘shishni to‘xtatdi. "Marca" nashrining xabariga ko‘ra, Madrid klubi endi o‘z stadionini "Santiyago Bernabeu" emas, oddiygina "Bernabeu" (faqat familiya bilan) deb atashga harakat qilmoqda.
"Real"ning sobiq hujumchisi, murabbiyi va prezidentining ismi stadion sayti hamda ijtimoiy tarmoqlardagi sahifalari nomida tilga olinmagan. Klub Rojdestvoga sovg‘a qilgan stadion maketlarida ham faqat "Bernabeu" nomi ko‘rsatilgan.
Hozircha stadion nomining o‘zgarishi rasman sodir bo‘lmadi, faqat marketingda qo‘llanilmoqda. Stadion nomining rasman o‘zgarishi faqat "Real" vakillarining kengashida amalga oshirilishi mumkin.
