Tramp so‘nggi ikki yilda eng ko‘p Ukrainadagi urushni tugatishga va’da berga
Uning ommaviy bayonotlari, matbuot anjumanlari va intervyulari tahlil qilindi.
"Axios" nashri 2023-yil 1-yanvardan 2024-yil 6-dekabrgacha bo‘lgan davrda Trampning ommaviy bayonotlarini, jumladan matbuot anjumanlari va intervyularini tahlil qildi.
Ma’lum bo‘lishicha, AQSHning bo‘lajak rahbari bu davrda 33 marta Ukraina — Rossiya mojarosini hal qilishga va’da bergan. Shuningdek, yana 32 marotaba noqonuniy muhojirlar uchun AQSh chegarasini yopishni aytgan.
26 marta esa vaksinatsiya majburiy bo‘lgan va AQShda irqchilik ildiz otganini o‘rgatuvchi maktablarni moliyalashtirishni cheklashga tayyorligini bildirgan bayonotlar bergan. Yana 25 marta noqonuniy muhojirlarni mamlakatdan chiqarib yuborish bo‘yicha "eng yirik operatsiyani boshlash" va’dasini bergan.
Tramp tomonidan eng ko‘p aytilgan va’dalarning beshinchi o‘rinida esa Qo‘shma Shtatlarda elektromobilga majburiy ravishda o‘tishni to‘xtatish joy olgan.
