Bugun O‘zbekistonda futzal bo'yicha jahon chempionati boshlanadi
Kun dasturida 4 ta o‘yin bo‘lib o‘tadi.
Bugun, O‘zbekistonda futzal bo‘yicha Jahon chempionati start oladi. Kun dasturida 4 ta o‘yin bo‘lib o‘tadi. Buxoro shahrida Xorvatiya-Tailand va Braziliya-Kuba o‘yinlari o‘tkazilsa, Toshkent shahri Paragvay-Kosta-Rika hamda O‘zbekiston-Niderlandiya bahslariga mezbonlik qiladi.
O‘zbekiston-Niderlandiya o‘rtasidagi uchrashuv 20:00 da boshlanadi. Qayd etish joiz, O‘zbekiston tarixda birinchi marta FIFA tasnifidagi turnirga mezbonlik qilmoqda. O‘zbekiston futzal terma jamoasi esa 2-marta jahon chempionatida ishtirok etadi.
Ma’lumot uchun, jahon chempionati 6-oktabrga qadar davom etadi. Toshkent va Buxoro shahridan tashqari Andijon shahrida o‘yinlar tashkil etiladi.
