Arteta “Arsenal” jamoasi bilan shartnomani yangilaydi
Klub rahbariyati murabbiyning ishidan mamnun.
“Arsenal” jamoasi bosh murabbiy Mikel Arteta uchun yangi shartnoma tayyorladi.
Yaqin orada 42 yoshli ispaniyalik mutaxassis uchun yangi taklif tomonlar o‘rtasida kelishib olinadi. Klub rahbariyati murabbiyning ishidan mamnun. Har ikki tomon bu yangi shartnomani imzolashga tayyor. Murabbiy va klub o‘rtasidagi kelishuv imzolansa, Mikel Arteta Yevropaning eng ko‘p maosh oluvchi murabbiylaridan biriga aylanadi.
Ispaniyalik murabbiy “Arsenal”ni 2019-yilning dekabrida qabul qilib olgan. Uning qo‘l ostida “kanonirlar” Angliya kubogini qo‘lga kiritdi va ikki marta Angliya Superkubogiga ega chiqdi.
2023—2024-yilgi mavsumda “Arsenal” “Manchester Siti”dan ikki ochko ortda qolib, APL turnir jadvalida ikkinchi o‘rinni egalladi.
Artetaning londonliklar bilan hozirgi shartnomasi 2025-yilning yoziga qadar amal qiladi.
