Tibbiyot yo‘nalishida “super-kontrakt” saqlanib qolindi
Bir muddat avval hukumatga buni bekor qilish bo‘yicha taklif kiritilgani aytilgandi.
Bu yil ham Tibbiyot yo‘nalishiga kirish uchun “super-kontrakt” saqlanib qolindi. Bu haqda Oliy taʼlim vazirligining 2023/2024-o‘quv yili uchun “super-kontrakt”ning minimal miqdori haqidagi maʼlumotnomasida keltirilgan.
Avvalroq, Sog‘liqni saqlash vaziri Amrillo Inoyatov tibbiyotdan “super-kontrakt”ni olib tashlash bo‘yicha hukumatga taklif kiritilganini maʼlum qilgandi.
