Twitterʼdan ko‘k belgi olib tashlanadi
Ilon Maskning fikricha, bu maʼnosiz belgidir.
Twitterʼning yangi egasi Ilon Mask bir necha oy ichida ijtimoiy tarmoqning barcha profillarida eskirgan ko‘k belgilarni yo‘qotishga qaror qildi.
“Bir necha oy ichida biz barcha eskirgan ko‘k belgilarni olib tashlaymiz. Ularning chiqarilish usuli buzuq va maʼnosiz edi”, — deb yozdi u.
Bundan tashqari, tadbirkor qo‘shimcha funksiyalar pulli obunalarda ochilishini maʼlum qilgan. Shuningdek, pulli xizmatlar to‘lovi oshirilgan. Masalan, iPhone ilovasi orqali to‘lov amalga oshirilganda Twitter Blue odatdagidek 7,99 dollar emas, 11 dollar.
“Biz qaytdik! Twitter Blue endi internetda oyiga 8 dollar evaziga yoki iOSʼda 11 dollar evaziga mavjud. Biz baʼzi yangilanishlar va yaxshilanishlarni amalga oshirdik”, — deyiladi postda.
Avvalroq 1,5 milliardga yaqin foydalanilmayotgan Twitter akkauntlari o‘chirib tashlanishi maʼlum qilingandi. Global brendlar Mask tufayli tarmoqda reklama berishdan bosh tortmoqda.
