Nyu-York maktabda yuzaga kelgan otishmada 2 kishi yaralandi
O‘quvchini zudlik bilan operatsiya qilishga to‘g‘ri keld
AQSHning Baffalo shahridagi o‘rta maktabda yuzaga kelgan otishma natijasida ikki kishi jabrlandi.
Bu haqda Associated Press politsiyaga tayanib xabar bermoqda.
Politsiya komissari o‘rinbosari Jozef Gramalyaning so‘zlariga ko‘ra, darsdan so‘ng maktab yaqinidagi avtoturargohda janjal kelib chiqqan va otishmagan aylangan. Natijada ikki kishi: bir o‘quvchi va qorovul yaralangan. O‘smir shoshilinch operatsiya qilindi. Qorovul oyog‘idan o‘q yegan, ammo hayotiga xavf yo‘q.
Politsiya xabariga ko‘ra, nomaʼlum shaxs avtoturargohda to‘pponcha olib, undan bir necha marta o‘q uzgan. Jinoyatchi qochib ketgan, politsiya uni izlamoqda. Otishma vaqtida maktabda 100 ga yaqin odam bo‘lgan. Xavfsizlik yuzasidan yaqin atrofdagi kollejda darslar bekor qilinib, talabalar uyiga yuborildi.
AQSH maktablari va kollejlarida tez-tez otishma sodir bo‘ladi. Ularning ayrimlari terrorchilik harakati deb ham baholanishi holatni yaxshilamayapti.
Sharofat Mahmudova
