Messi koronavirus yuqtirib oldi
"PSJ"ning yana uch nafar o‘yinchisida virus aniqlangan.
Fransiyaning “Pari Sen-Jermen” futbol klubining argentinalik mashhur hujumchisi Lionel Messi koronavirusini yuqtirib oldi. Bu haqda jamoa matbuot xizmati xabar berdi.
Shuningdek, "PSJ" futbolchilari Xuan Bernat, Serxio Riko va Natan Bitumazalda ham kasallik aniqlangan. Barcha bemorlar o‘zini izolyasiya qilgan. Braziliya klubining jarohat olgan futbolchisi Neymar ham hozir uyida. U taxminan uch haftadan so‘ng mashg‘ulotlarga qaytadi.
"PSJ" dushanba kuni Fransiya kubogi 1/16 finalida "Vann"ga qarshi bahs olib boradi. 19-turdan keyin jamoa 46 ochko jamg‘arib, mamlakat chempionati turnir jadvalida birinchi o‘rinni egallab turibdi.
Messi joriy mavsumda “PSJ” safida 16 ta o‘yinda maydonga tushib, 6 ta gol urdi va 5 ta golli uzatmani amalga oshirdi.
Avvalroq Xalqaro sport jurnalistlari assosiasiyasi 2021-yilning eng yaxshi sportchisini aniqlagani, "Bavariya" klubi futbolchisi Robert Levandovski barchadan ko‘p ovoz to‘plagani xabar qilingan edi.
