“PSJ” Messining millionlab futbolkalarini sotdi
“PSJ”: “Messi orqali yaxshigina daromad oldik”.
“PSJ” Lionel Messining transferidan yaxshi pul ishlab oldi. Klub ma'lumotlariga ko‘ra, hujumchi jamoa tarkibiga qo‘shilganidan so‘ng futbolkalar savdosi 30-40 foizga oshgan. Hozirgacha orqasiga Messining nomi yozilgan millionlab futbolkalar sotilgan. Aytish joizki, agar koronavirus pandemiyasi tufayli ishlab chiqarishdagi kechikishlar bo‘lmaganida, bu ko‘rsatgichlar yana-da yuqoriroq bo‘lishi mumkin edi.
"Messi — ajoyib boylik. Tijoriy nuqtai nazardan, uning taʼsirini ortiqcha baholash qiyin. Biz o‘tgan yilgiga qaraganda ko‘proq futbolka sotdik. Talab kamida 30-40 foizga oshdi. Ha, talab katta. Agar biz ko‘proq futbolkalarni chiqara olsak, undan ham ko‘proq sotar edik”, - deya iqtibos keltiradi “Goal.Com” nashri “PSJ” homiylik shartnomasi direktori Mark Armstrongdan.
Avvalroq “Barselona” hujumchisi Usmon Dembele klub bilan shartnomasini uzaytirishga rozi bo‘lgani va kataloniya klubi transferlar uchun mablag‘ izlayotgani haqida xabar qilingandi.
