Tojikiston hududiga “Tolibon” bilan boʻlgan jangda chekingan 300dan ortiq afgʻon harbiy xizmatchilari kiritildi
Bu haqda Tojikistonning “Xovar” AA maʼlum qilgan.
Xabarda aytilishicha, Afgʻoniston Islom Respublikasi harbiy qurolli kuchlari shiddatli qarshiliklardan soʻng, shaxsiy tarkibni saqlab qolish maqsadida Tojikiston Respublikasining qoʻriqlanadigan chegara hududidan oʻtishgan. Qayd etilishicha, chegara harbiylari insoniylik va yaqinqoʻshnichilik munosabatlarini inobatga olgan holda, afgʻon harbiylariga 5- “Istiqlol” va 6- “Sarigor” chegara postidan oʻtishga ruxsat berishgan. Taʼkidlanishicha, ikki mamlakat chegarasidagi holat toʻliq nazoratga olingan.
