Bugun O‘zbekistonning ayrim hududlarida kuchli shamol va chang-to‘zon kutilmoqda
Shamol tezligi 23 m/s gacha kuchayishi mumkin.
O‘zgidromet ma’lumotiga ko‘ra, Xorazm, Buxoro, Navoiy, Toshkent, Samarqand, Jizzax, Sirdaryo, Qashqadaryo va Surxondaryo viloyatlarining ayrim joylarida shamol tezligi 13–18 m/s gacha kuchayishi kutilmoqda.
Shuningdek, ayrim hududlarda shamolning tezligi 20–23 m/s gacha yetishi mumkin bo‘lib, u chang-to‘zon hodisalari bilan kuzatilishi ehtimoli mavjud.
Toshkent shahrida ham kechga tomon shamol tezligi 12–15 m/s gacha kuchayishi, ayrim joylarda chang-to‘zonlar kuzatilishi ehtimoli bor.
Mutaxassislar bunday ob-havo sharoitida fuqarolarga ehtiyotkor bo'lishni tavsiya etmoqda.
