Oʻzbekistonda kartoshka narxi pasayishda davom etmoqda

 

O‘zbekistonda 2023-yil may oyining uchinchi o‘n kunligidan boshlab yangi kartoshkaning o‘rtacha ulgurji narxi o‘tgan yilgi darajadan pastga tushdi va so‘nggi bir yarim oy davomida o‘tgan yilning shu davridagi ko‘rsatkichdan o‘rtacha 30 foizga past bo‘ldi, deydi EastFruit tahlilchilari.

 

Joriy mavsumda yangi kartoshkaning birinchi yirik partiyalari Oʻzbekiston poytaxti ulgurji bozorlarida faqat aprel oyining birinchi oʻn kunligida — 2022-yilga nisbatan qariyb uch hafta kechroq paydo boʻlganiga qaramay, dinamikada barqaror pasayish tendentsiyasi shakllandi.

 

Agar o'tgan yili yangi hosil bo'lgan kartoshka narxining pasayishi aprel oyining oxirida to'xtagan bo'lsa, joriy yilda ushbu mahsulotlarning ulgurji narxlari pasayishda davom etmoqda.

 

Bozorlarda kartoshkaning birinchi ulgurji partiyalari paydo bo'lgan paytdan boshlab dastlabki ikki hafta ichida narxlar keskin tushib ketganidan so'ng, o'tgan yilgi dinamikadan farqli o'laroq, narxlar sekinroq pasayishda davom etdi. Natijada, 2023-yil may oyining uchinchi o‘n kunligidan boshlab yangi kartoshkaning ulgurji narxlari o‘tgan yilgi darajadan pastga tushdi va so‘nggi bir yarim oy davomida ushbu mahsulotlarning o‘rtacha ulgurji narxi 22-38 foizga arzonlashdi.

 

EastFruit narxlari monitoringi maʼlumotlariga koʻra, 2023-yil 7-iyul holatiga koʻra, joriy yil hosili kartoshkasining oʻrtacha ulgurji narxi 3 ming soʻmni tashkil etdi, bu oʻtgan yilning shu sanasidan 29 foizga va 2021-yil bilan taqqoslaganda esa 17 foizga arzon.