Pentagon Kiyevga 1.2 milliard dollarlik havo mudofaasi tizimini yetkazib bermoqchi
Hozirda Ukraina ixtiyorida ikkita shunday tizim bor.
Pentagon Ukraina uchun NASAMS tizimlariga 1.2 milliard dollar ajratmoqchi. Mudofaa vazirligi ushbu tizimlarni ishlab chiqaruvchi Raytheon Technologies kompaniyasiga bu bo‘yicha tegishli shartnomani topshirgan.
AQSH xukumati Ukrainaga jami 8 ta shunday havo hujumiga qarshi mudofaa tizimini yetkazib berishga rozilik bildirgan. Hozirga qadar ularning ikkitasi Kiyevga berilgan.
NASAMS harakatdagi o‘rta radiusli zenit raketa tizimi hisoblanadi. U kichik va o‘rta balandlikdagi havo nishonlariga qarshi kurashga mo‘ljallangan. Ushbu tizim dron, ballistik va qanotli raketalarni, samolyot va vertolyotlarni yo‘q qila oladi.
