Yangi haftada Quyosh tutilishi kuzatiladi
Astronomik hodisa Toshkentda 2 soat davom etadi.
25-oktyabr kuni qisman Quyosh tutilishi hodisasi kuzatadi. Bu haqda O‘zbekiston Respublikasi Fanlar Akademiyasi xabar qildi.
Qayd etilishicha, ushbu astronomik hodisani Islandiya va Grenlandiya oroli, Afrikaning shimoli-sharqiy qismi, Yevropa, Yaqin Sharq, G‘arbiy Sibir va O‘rta Osiyo mamlakatlari aholisi kuzatishi mumkin.
Quyosh tutilishi Toshkent vaqti bilan 15:23 da boshlanib, maksimal fazasi 16:34 ga to‘g‘ri keladi. Shu paytda Oy Quyosh yuzasining 68 foizini to‘sadi va bu vaqtda Quyoshning gorizontdan balandligi 21 gradusni tashkil qiladi. Toshkent shahrida Quyosh tutilishining umumiy davomiyligi 2 soat 4 daqiqani tashkil etadi. Soat 17:38 da Quyosh tutilishi yakunlanadi, biroq Quyoshning botish vaqti 17:27 ga to‘g‘ri keladi.
Maʼlumot uchun: qisman Quyosh tutilishi deb Quyosh yuzasining maʼlum bir qismi Oy tomonidan to‘silish holatiga aytiladi. Quyosh tutilishining qisman bo‘lishi Oy va Quyosh markazlarining ustma-ust tushmasdan to‘silishi bilan izohlanadi.
