Pekin-2022: Olimpiya o‘yinlarida saralash bellashuvlari boshlandi
Xitoyning Pekin shahrida XXIV qishki Olimpiya o‘yinlariga start berildi.
Garchi musobaqaning tantanali ochilish marosimi ertaga bo‘lib o‘tsa ham, medallar uchun uzoq saralash bosqichidan iborat dasturlarda sportchilar bellashuvlarni boshlab yubordi.
Ayni vaqtda kyorling bahslari bo‘lib o‘tmoqda. Kun davomida xokkey va mogul yo‘nalishlarida ham saralash bellashuvlari bo‘lib o‘tadi. Chana sporti, tog‘ chang‘isining tezkor tushish yo‘nalishi, tramplindan sakrash dasturlarida esa rasmiy mashg‘ulotlar kun dasturidan o‘rin olgan.
Eslatib o‘tamiz, kecha tog‘ chang‘isi bahslari o‘tkaziladigan Yansin shahriga yetib kelgan hamyurtimiz Komiljon To‘xtayev ham bugundan mashg‘ulotlarga kirishadi.
Avvalroq, Daniya va Niderlandiya ham Pekin Olimpiadasini baykot qilgani haqida xabar berilgandi.
