Nomaʼlum manzildan kelgan havolaga kirmang!
IIV Kiberxavfsizlik markazi ogohlantirish bilan chiqdi.
IIV Kiberxavfsizlik markazi ogohlantirish bilan chiqdi.
Xabarda telegram messenjeri orqali turli kanal va guruhlarda tarqalayotgan "Yangilik barcha O‘zbekiston fuqarolariga 400.000 so‘m yordam puli berilyapti, yordam pulini olish uchun pastdagi ko‘k ssilka ustiga bosing” mazmunidagi xabarlar kelsa, aslo unga ishonmaslik so‘ralgan. Shuningdek, bu xabarlar yolg‘on ekani taʼkidlangan.
"Eʼtiborli bo‘ling, bu safar firibgarlar ishontirish uchun O‘zbekiston Respublikasi Prezidentining rasmiy veb-sayti ko‘rinishidan foydalanib, zararli havolani tarqatgan. Mazkur havola orqali firibgarlar Sizning bank plastik kartangizdagi pulingizni noqonuniy o‘zlashtirishni rejalashtirgan.
Nomaʼlum manzildan kelgan havolaga kirmang. Feyk xabarlarga aldanib qolmang, batafsil maʼlumotlarni olish uchun bizni ijtimoiy tarmoqlarda kuzatib boring!", — deyiladi xabarda.
