Tarixga kirgan xatolar: sevimli taomlarimiz qanday paydo bo‘lgan?
Bugun biz uchun oddiy bo‘lgan ba’zi narsalar kutilmaganda kashf qilingan.
Tarixda oshpazlarning xatolari sabab tasodifan paydo bo‘lgan taomlar juda ko‘p. Zamonaviy oshpazlarning baxtiga internetda deyarli barcha taomning tayyorlanish usuli yozilgan. Ammo bugun biz uchun oddiy bo‘lgan narsalar kutilmaganda kashf qilingan.
Mevali muzqaymoq
Bu muzlatilgan shirinlikni 11 yoshli Frenk Epperson o‘ylab topgan. U o‘zi uchun shirin gazli suv tayyorlashni yoqtirgan. Ammo bir kun u ichida cho‘p qolib ketgan idishni hovlida unutib qoldiradi, idishdagi mahsulot esa tunda muzlab qoladi. Tongda bolakay uni eritib ichishning o‘rniga shu holaticha yeb qo‘yadi. Mevali muzqaymoqning birinchi xaridorlari bolakayning qo‘shnilari va o‘rtoqlari bo‘ladi. Tez orada shirinlik dunyo bo‘ylab mashhur bo‘ldi.
Shokolad qirindisili pechenye
1930 yilda amerikalik Rut Ueykfild katta oila uchun pechenye tayyorlayotganida uyida kakao qolmaganini ko‘radi. U kakaoning o‘rniga shokolad bo‘laklaridan foydalanishga qaror qiladi. U shokoladning pechda erishini kutgan edi. Ammo natijada hozirgacha mashhur bo‘lgan yangi pechenye turi paydo bo‘ldi.
Konusli muzqaymoq
Stakanli muzqaymoq qanday paydo bo‘lgani haqida hech kim o‘ylab ham ko‘rmagan bo‘lsa kerak. Ammo u ham 1904 yil yozida tasodifan o‘ylab topilgan. O‘shanda muzqaymoq sotuvchisining plastik stakanlari tugab qolgan va u yonginasidagi konditerlik do‘konidan vaflili stakan tayyorlab berishni so‘radi. Do‘kon unga vafli plastinkalarini taklif qilgan, muzqaymoqchi esa bu plastinkalarni konus shakliga keltirib, ichiga muzqaymoq soldi.
Chipslar
Millionlar sevgan “snek” 1853 yilda Moon’s Lake House restoranida paydo bo‘lgan. Bir kuni restoran mijozlaridan biri qovurilgan kartoshkaning qalinligidan shikoyat qilgan. Shunda bosh oshpaz kartoshkani maksimal yupqa qilib kesib, tuz va ziravorlar bilan qovurgan. Mijoz bu taomdan lol qolgan.
